Te chësc sacramënt dl Santuele da la dlieja i amalei tres l unzion y la priera dl preve al Seniëur te si patimënt, che ël i selva y varesc. L sacramënt vën dat ai credenc sun la fruent y la mans cun l uele benedì, ai amalei y vedla jënt che ie te stleta cundizions de sanità.

L sacramënt dl Unzion di amalei possa unì dat n segondo iede, sce amalei do avëi giatà l Santuele ie unic boni o sce la medema malatia se à trat inant plu giut y ie pona inò tumei zeruch. Ai amalei che à perdù la cunescenza possen ti dé l sacramënt dl Unzion sce i à vivù da cristian y sce i fova a cunescenza dl sacramënt. Sce canche l preve ruva te cësa y l amalà ie bele mort, pona disc l preve na priera al defont, ma zënza pudëi dé plu l sacramënt. La Unzions vën tenida cun na bona priera de duc i prejënc.

Per dé l sacramënt iel da njinie ca n valgun cëiresc, n crist, na tischdecke y n ciof. Sce la cundizion dla amalà l permët possel ënghe to ite la cumenion. Sce n uel cherdé l preve cun l Santuele iel bon cherdé su te calonia per fé ora n apuntamënt.