Cor de dlieja de Urtijëi

N cor de dlieja iel a Urtijëi da almanco 200 ani. L maester y ugrister da nlëuta Matie Ploner scrij te si diare che pra la benedescion dla dlieja de San Durich l ann 1796 iel unì tenì na “solemne Messe” cun cor y strumënc. La Lia dl Cor de dlieja de Urtijëi ie unida metuda su cun statut tl ann 1925.
L repertoire dl cor tën cont dla puscibeltà de avëi nce n urchestra. Perchël à l cor bele da vedlamënter pudù cianté y suné te dlieja de San Durich a Urtijëi la gran mësses di cumponisć plu cunesciui sciche Haydn, Mozart y Schubert. L prim fin dl cor ie segurmënter chël de ti dé n tonn da festa ala zeremonies liturgiches, sibe pra la gran mësses che nce pra vel noza o vel supeltura. Regularmënter pieta l cor nce vel cunzert de mujiga sacra o tol pert a d’autra manifestazions nce nia religëuses. L Cor de dlieja de Urtijëi à bele dai ani na troht, che ie unida fata do a de vedli modiei ti ani sessanta. I cumëmbri dl cor se tira sëura la troht canche i va n pruzescion o pra vel manifestazion de majera mpurtanza. L cor se urta almanco n iede al ena (gran pert de merdi) tl local dla proves te calonia; la medema cossa fej nce l’ urchestera (gran pert de mierculdi).
L Cor de Dlieja ie al mumënt metù adum da 35 ciantarins/ines, 25 strumentalisć (urchestra = strumënc a fla y strumënc a archët), 3 cumëmbri de unëur, n archivar, n ugrister y seniëur digan Vijo Pitscheider. Dirighënta dl cor ie bel dal 1997 incà Felicitas Schweizer Kostner. Presidënta dl cor ie dal 2017 Margit Peristi Cainelli.

 

Lista di ineumes di cumëmbri dla jonta dl Cor de dlieja

Margit Peristi Cainelli (presidënta) Cuntat: Tel. 3385945477 E – Mail: peristi@gmail.com
Pitscheider Vijo (seniëur Pluan)
Felicitas Schweizer Kostner (dirighënta)
Theodor Rifesser (ugrister)
Viktor Canins (vize-presidënt y raprejentant di strumënc a archët)
Matthias Delazer (raprejentant di strumenc a fla)
Franco Kostner (cassier)
Othmar Runggaldier (cumëmber dla jonta)
Karin Kostner Demetz (se cruzia dla trochtes)
Oberhofer Demetz Marianne (protocoi y local da fé proa)
Martina Runggaldier Senoner (scrivana)
Richard Senoner (notes)
Marlis Moroder (notes)

 

Kirchenchor c