KVW / ACLI Assoziazion Catolica di Lauranc – grupa de Urtijëi

L KVW ie n’assoziazion de persones che lëura y se mpënia per i bujëns dla persones sozialmënter dëibles y svantajedes cun l fin de mudé situazions sozieles aldò di valors fundamentei dla dutrina soziela cristiana: la solidarietà, la giustizia y la pesc. Oradechël se crùziela de stavardé l crià y de partì su la richëza te na maniera rëidla. L’atività dl KVW se tën ala nuvela soziela dl Vaniele.
La sezion de Urtijëi cumpëida 496 scric ite deberieda cun la sezions de Runcadic y Bula.

L cunsëi KVW / ACLI de Urtijëi ie metù adum da 14 cumëmbri

Digan Dr. Vijo Pitscheider (assistënt spirituel)
Dr. Josef-Johann Kostner (presidënt)
Pius Colcuc (suplënt)
Lisl Tappeiner Dellago (scrivana)
Brigitte Runggaldier Pallua (cassiera)
Ulrika Perathoner – Comploj (respunsabla dla majon dal guant)
Giacinta Kostner Rier (reprejentanta dl’ëiles y se cruzia dla liturgia)
Paul Walpoth (foto – viages)
Annemarie Piccolruaz Pasquazzo (reprejentanta de Runcadic y Bula)
Walter Goller (viages)
Monika Insam (jites)
Markus Mahlknecht (nvic ala sentedes)
Norbert Pitschieler (foto – documentazion)
Monika Kelder Venturini (retlam media – atualisazion dla plates Web)

KVW_Cumembri

I servijes per i zitadins:

Patronat
L Patronat KVW / ACLI pieta aiuc, cunsieia y reprejentea duta lazitadines y duc  i zitadins te cuestions che à da nfé cun la prevenzion y l’assistënza soziela. La diretëura dl Patronat KVW / ACLI Elisabeth Scherlin tën udienza tla streda Roma nr. 5, visavis dla Chemun de Urtijëi.
Dai prims de utober 2017 inant:
uni 1a juebia dl mëns dala 8.30 – 11.30 y dala 14 – 16
uni 2a y 4a juebia dl mëns dala  8.30 – 11.30

CAF KVW Service
N possa resservé n terminn sibe online sota  www.mycaf.eu, o nce cherdan su al numer de telefonn 0471-941 704. (EEVE – scioldi per la familia, ISEE, RED, INVCIV, detlarazion dla chëutes).

Majon dal guant
Deberieda cun la grupa Caritas y Miscion vëniel tla vedla Cësa de Paussa abinà adum y dat ca a guant y ciauzei adurvei ma mantenìi mo drët bën a duta la jënt per na pitla dunfierta.
Orar de giaurida: merdi dala 8:30 ala 10:30 y juebia dala 14:00 ala 16:00.


Cie uelel pa di vester cumëmbra o cumëmber dl KVW?

vester cumëmber = sté deberieda tla grupa dl luech
vester cumëmber = fé pea pra cursc y d’autra manifestazions
vester cumëmber = giapé la zaita “Kompass” cun chëla che n possa nriescer duta la nuviteies
vester cumëmber = giapé reduzions per fé la detlarazion dla chëutes y per jì de viac
vester cumëmber = vester leprò cun 20 euro de cuntribut
Nfurmazions plu avisa giàpen pra uni cumëmbra o cumëmber dl cunsëi.

Nosta atività via per l ann ie:
Furmazion per granc: cursc, cunferënzes y seminars en con’ de cuestions sozieles, religëuses, politiches, de medejina y prufesciuneles.
Fé pea pra santa mësses y funzions religiëuses
D’autra ativiteies tl tëmp liede, viages y jites

“clich per ngrandì la fotos”

1 KWV 2 KWV 4 KWV 3 KWV 5 KWV 6 KWV