Coche dij la parola se cruzia la grupa dla funzions religëuses y se tol dant de aprofondì la fede di parochians. La Grupa liturgica se tol dant de fé prupostes per rënder la funzions y la S. Mësses plu atueles y adatedes a nosc tëmp. L fin plu mpurtant dla Grupa liturgica ie de fé n lëur de coordinamënt.
Dai ani 80 incà njinia ca la grupa la listes de chëi che liej dant ntan la santa Mësses y vën coordinà l acumpaniamënt musichel pra la Santa Mësses y la funzions liturgiches de chëi che cianta dant (Kantoren), di cores y de plu sortes de grupes musicales. Uni ann vëniel nce fat na lista a puntin cun la dates y oraresc de duta la funzions de dlieja che vën tenides ntan l’ann.
Deberieda cun seniëur Digan vën ënghe purtedes dant prupostes y lauredes ora, ulache l va debujën, de nueva linies da tò pra la zelebrazions liturgiches. Suënz vëniel nce tëut su y metù a jì la prupostes y documënc laurei ora da cumëmbri dla grupa. Da canche ie unida metuda su la Union Pasturela Gherdëina UPG vën urganisedes manifestazions y evënc a livel de valeda y la ufiertes liturgiches vën cuordinedes deberieda. La grupa se anconta da 3 a 4 iedesc al ann.

Presidënt y cumëmbri:

Decan Vijo Pitscheider
Georg Senoner
Alfred Obletter
Flavio Goller
Leo Moroder
Theodor Rifesser