I ministronc luna al prevë ntan l festejamënt dl cunedì l vanielë. tres chël vën l liejer dant dla parola de Dië, velch de particuler. I cëiresc di ministronc disc a duc: Cialede, chëstes ie la paroles preziëuses da chëles che nëus duc vivon. Cialëde, tlo iel l linëus dl mond.
Tla grupa di ministronc de Urtijëi iel ndut 56 ministronc. De chisc ie 43 mutons y mutans dla scola elementera y dla scola mesana y 13 jëuni dla scoles autes.
La grupa di ministronc vën meneda da n cunsëi che ie metù adum da:
- la presidënta Lea Mahlknecht, Goller
- l vize Flavio Goller
- l mëune Messner Alfred Obletter
- l mëune dla dlieja de S. Anna Eugen Verra
- che juda pea Simon Moroder
I duvieres di ministronc
I ministronc à de plu duvieres da fé ntëur autere, ma la ncëria plu mpurtanta ie chëla de servì cun legrëza Chël Bel Die.
I ministronc servësc pra uni Santa Mëssa, ma nce dal rorate, dala pruzescions, dala Via Crucis, dala supeltures y autra funzions.
I gran ministronc servësc la Gran Mëssa dala festes y canche l ie pruzescions. Ëi abelësc la Santa Mëssa cun l ncënsc.
Coche n vën tëuc su tla grupa di ministronc
D’autonn va l pluan tla 4a tlasses per ti spieghé ai mutons y ala mutans ciche l uel dì vester ministront/a. Plu tert vëniel tenì n domesdì de nfurmazion per i genitores, ulache l ti vën dat nfurmazions sun l servisc di ministronc.
Ndut iel 4 proes, ulache l ti vën nsenià ciche n ministront/a à dut da fé. Ntan na Santa Mëssa tl tëmp de Avënt vën i ministronc nueves tëuc su tla grupa.
Coche rengraziamënt vëniel fat uni ann ai 2 de juni na jita.
