La “Jungschar” de Urtijëi

La “Jungschar” scumëncia uni ann de utober. L vën spartì su la grupes che vën pona menedes da almanco doi jëuni che sa bel nëut. Pra la “Jungschar” possa jì duc i mutons y duta la mutans dala 5. tlas dla scola elementera nchin ala 3. tlas dla scola mesana. Plu o manco 150 mutons y mutans, spartì su te 8 grupes, se anconta un n iede al’ena, la mutans spartides dai mutons.

L vën fat uni sort de juesc cun i mutons y la mutans. L vën ënghe ciantà, fat vel pitli lëures a man o rujené sun vel argumënt. Uni ann vëniel metù a jì la festa per l di de l’oma, cun juesc, bai y pitli teatri. Dut chësc vën njenià ca y purtà dant dai mutons y dala mutans cun gran legrëza.

Ora de chël vëniel festejà uni ann d’auton na santa Mëssa. D’inviërn vëniel metù a jì na garejeda cun la lueses y na festa de carnescià. D’insta possa i mutons y la mutans jì n trëi dis samont a durmì tl fën.

 

Jungschar 0 c Jungschar 2 c Jungschar 1 c