N cor de dlieja iel a Urtijëi da almanco 200 ani. L maester y ugrister da nlëuta Matie Ploner scrij te si diare che pra la benedescion dla dlieja de San Durich l ann 1796 iel unì tenì na “solemne Messe” cun cor y strumënc. La Lia dl Cor de dlieja de Urtijëi ie unida metuda su cun statut tl ann 1925.
L repertoire dl cor tën cont dla puscibeltà de avëi nce n urchestra. Perchël à l cor bele da vedlamënter pudù cianté y suné te dlieja de San Durich a Urtijëi la gran mësses di cumponisć plu cunesciui sciche Haydn, Mozart y Schubert. L prim fin dl cor ie segurmënter chël de ti dé n tonn da festa ala zeremonies liturgiches, sibe pra la gran mësses che nce pra vel noza o vel supeltura. Regularmënter pieta l cor nce vel cunzert de mujiga sacra o tol pert a d’autra manifestazions nce nia religëuses. L Cor de dlieja de Urtijëi à bele dai ani na troht, che ie unida fata do a de vedli modiei ti ani sessanta. I cumëmbri dl cor se tira sëura la troht canche i va n pruzescion o pra vel manifestazion de majera mpurtanza. L cor se urta almanco n iede al ena (gran pert de merdi) tl local dla proves te calonia; la medema cossa fej nce l’ urchestera (gran pert de mierculdi).
L Cor de Dlieja ie al mumënt metù adum da 30 ciantarines y ciantarins, 25 strumentalisć dl’urchestra, 4 cumëmbri de unëur, n archivar, n ugrister y seniëur digan Vijo Pitscheider. Dirighënta dl cor ie bel dal 1997 incà Felicitas Schweizer Kostner. Presidënta dl cor ie dal 2017 Margit Peristi Cainelli.
Numer de cuntat cun dla sëurastanta Margit Peristi – Tel. 3385945477 E -Mail: peristi@gmail.com
Inuemes dl cunsëi dl cor y urchestra de dlieja:
Pitscheider Vijo – Pluan
Margit Peristi – sëurastanta
Viktor Canins – vizesëurastant
Felicitas Schweizer – dirigenta
Theodor Rifesser – ugrister
Karin Kostner Lageder – scrivana
Maria Cleo Senoner – cassiera
Christian Ploner – respunsabl dl’urchestra
Melitta Kostner – respunsabla di strumënc a fla
Marianne Oberhofer – se cruzia dla trochtes
Andreas Walpoth – respunsabl dl local dla proes
Moroder Marlis und Senoner Reinhard – respunsabli dla notes
